Isaaya 14:28-32
Endagaano Enkadde nʼEndagaano Empya
Obunnabbi Obukwata ku Bufirisuuti
28 (A)Mu mwaka kabaka Akazi mwe yafiira ne wabaawo obubaka buno.
29 (B)Tosanyuka ggwe Bufirisuuti yonna,
kubanga omuggo ogwakukuba gumenyese,
ne ku kikolo ky’omusota kulivaako enswera,
n’ezzadde lyalyo liriba musota ogw’obusagwa oguwalabuka.
30 (C)Abasingirayo ddala okuba abaavu balifuna ekyokulya,
n’abali mu kwetaaga balifuna ku tulo
naye ekikolo kyo ndikittisa enjala
ate abo abalisigalawo mbattise ekitala.
31 (D)Leekaana ggwe wankaaki, kaaba ggwe ekibuga,
osaanuuke olw’entiisa ggwe Bufirisuuti yonna!
Kubanga mu bukiikakkono muvaamu omukka,
eggye ery’abalwanyi omutali munafu.
32 (E)Kale kiki kye banaddamu
ababaka b’eggwanga eryo?
“Mukama yassaawo Sayuuni,
ne mu kyo abantu be ababonyaabonyezebwa mwe balifuna obuddukiro.”
2 Ebyomumirembe 21:20
Endagaano Enkadde nʼEndagaano Empya
20 (A)Yekolaamu yali wa myaka amakumi asatu mu ebiri bwe yatandika okuba kabaka, era n’afugira mu Yerusaalemi emyaka munaana. Okufa kwe tekwaleetera muntu n’omu kwejjusa, n’aziikibwa mu kibuga kya Dawudi naye si ku biggya bya bassekabaka.
Read full chapter
2 Ebyomumirembe 24:25
Endagaano Enkadde nʼEndagaano Empya
25 (A)Awo Abasuuli bwe baavaayo, ne baleka nga Yowaasi alumizibbwa nnyo, era abaddu be ne bamusalira olukwe, olw’omusaayi gw’abaana ba Yekoyaada kabona, gwe yayiwa, ne bamuttira mu kitanda kye. Bwe yafa, n’aziikibwa mu kibuga kya Dawudi, naye si mu masiro ga bassekabaka.
Read full chapterBayibuli Entukuvu, Endagaano Enkadde nʼEndagaano Empya Copyright © 1984, 1986, 1993, 2014 by Biblica, Inc.® Tuweereddwa olukusa okuva mu Biblica, Inc.® Olukusa lwonna mu nsi yonna lusigalidde mu Biblica, Inc. Luganda Contemporary Bible Copyright © 1984, 1986, 1993, 2014 by Biblica, Inc.® Used by permission of Biblica, Inc.® All rights reserved worldwide.