Font Size
स्तोत्रसंहिता 70
Marathi Bible: Easy-to-Read Version
स्तोत्रसंहिता 70
Marathi Bible: Easy-to-Read Version
प्रमुख गायकासाठी लोकांना आठवण देण्यासाठी लिहिलेले दावीदाचे एक स्तोत्र.
70 देवा, माझा उध्दा्र कर.
देवा लवकर ये आणि मला मदत कर.
2 लोक मला मारायचा प्रयत्न करीत आहेत,
त्यांची निराशा कर त्यांची मानखंडना कर.
लोकांना माझ्या बाबतीत वाईटगोष्टी करायच्या आहेत
ते पडावेत आणि त्यांना लाज वाटावी असी माझी इच्छा आहे.
3 लोकानी माझी चेष्टा केली त्याबद्दल त्यांना योग्य ती शिक्षा व्हावी
आणि त्यांना शरम वाटावी अशी मला आशा वाटते.
4 जे लोक तुझी उपासना करतात,
ते खूप खूप सुखी व्हावेत असे मला वाटते.
ज्या लोकांना तुझी मदत हवी आहे
त्या लोकांना नेहमी तुझी स्तुती करणे शक्य होईल अशी मला आशा वाटते.
5 मी गरीब आणि असहाय्य माणूस आहे.
देवा, लवकर ये आणि मला वाचव.
देवा, फक्त तूच माझी सुटका करु शकतोस.
उशीर करु नकोस.
Marathi Bible: Easy-to-Read Version (ERV-MR)
2006 by Bible League International