Engero 6:6-11
Endagaano Enkadde nʼEndagaano Empya
6 (A)Yigira ku biwuka, mugayaavu ggwe;
fumiitiriza engeri gye bikolamu obiyigireko.
7 Tebirina mukulembeze,
mukungu oba mufuzi yenna abikulembera,
8 (B)kyokka byekuŋŋaanyiza emmere mu biseera eby’amakungula,
ne bitereka emmere mu biseera ebituufu mu mwaka.
9 (C)Olituusa ddi okwebaka mugayaavu ggwe?
Oligolokoka ddi n’ova mu tulo two?
10 (D)Otulo otutonotono, n’okusumagira akatono,
n’okufunya emikono okuwummulako,
11 (E)obwavu bulikutuukako ng’omutemu,
era n’obwetaavu ng’omutemu.
Engero 24:30-34
Endagaano Enkadde nʼEndagaano Empya
30 (A)Nayita ku nnimiro ey’omugayaavu,
ne mpita ne ku nnimiro y’emizabbibu ey’oyo atalina kutegeera.
31 Kale laba, ng’ennimiro eyo ebunye amaggwa,
wansi wonna nga wabikkiddwa omuddo,
n’olukomera lwayo olw’amayinja nga lugudde.
32 Ne neekaliriza ne ntegeera
ne nfuna ekyokuyiga mu bye nalaba.
33 (B)Otulo otutonotono, n’okusumagira akatono,
n’okufunya emikono okuwummulako,
34 (C)obwavu bulikutuukako ng’omutemu,
era n’obwetaavu ng’omutemu.
Engero 22:13
Endagaano Enkadde nʼEndagaano Empya
13 (A)Omugayaavu ayogera nti, “Ebweru eriyo empologoma,”
oba nti, “Nnyinza okutemulirwa mu kkubo.”
Bayibuli Entukuvu, Endagaano Enkadde nʼEndagaano Empya Copyright © 1984, 1986, 1993, 2014 by Biblica, Inc.® Tuweereddwa olukusa okuva mu Biblica, Inc.® Olukusa lwonna mu nsi yonna lusigalidde mu Biblica, Inc. Luganda Contemporary Bible Copyright © 1984, 1986, 1993, 2014 by Biblica, Inc.® Used by permission of Biblica, Inc.® All rights reserved worldwide.